PF பணத்தை வைத்து வீடு வாங்குவது எப்படி? இவ்ளோ ரூல்ஸ் இருக்கா?

பிஎஃப் சேமிப்புப் பணத்தில் வீடு வாங்குவதற்கு என்ன செய்ய வேண்டும் என்று இங்கே பார்க்கலாம்.

சம்பளம் வாங்கும் நபர்களுக்கு பிஎஃப் சேமிப்புப் பணம் மிகவும் பயனுள்ளதாகும். அவசரத் தேவைக்கும், மருத்துவச் செலவுகளுக்கும், சொத்து வாங்குவதற்கும், திருமணச் செலவுகளுக்கும் பிஎஃப் பணம் மிகவும் பயனுள்ளதாக இருக்கும். பிஎஃப் பணத்தை உடனடியாக எடுத்துப் பயன்படுத்துவதை விட வேறு வழி இல்லாவிட்டாலோ அல்லது பெரிய தேவைக்காகவோ எடுத்தால் நல்லது. நீண்ட கால அடிப்படையில் இது நல்ல லாபத்தைத் தருகிறது. வீடு உள்ளிட்ட சொத்துகளை வாங்குவதற்கும் பிஎஃப் பணம் உதவும். ஆனால் அதற்கு சில நிபந்தனைகளும் உள்ளன.

பிஎஃப் வித்டிராவல் விதிமுறைப்படி, பிஎஃப் பேலன்ஸ் தொகையில் 90 சதவீதத்தை மட்டுமே சொத்து வாங்குவதற்கு எடுத்துப் பயன்படுத்த முடியும். புதிய வீடு வாங்குவதற்கோ அல்லது நிலத்தில் புதிதாக வீடு கட்டுவதற்கோ பிஎஃப் பணத்தை எடுக்கலாம். நிலத்தில் புதிதாகக் கட்டுவதாக இருந்தால் அந்த நிலம் பிஎஃப் கணக்குதாரரின் பெயரிலோ அல்லது அவரது மனைவி / கணவன் பெயரிலோ இருக்க வேண்டும். அதேபோல, கடந்த ஐந்து வருடங்களாக பிஎஃப் கணக்கில் தொடர்ந்து சேமித்து வந்தால் மட்டுமே சொத்து வாங்குவதற்காக பிஎஃப் பணத்தை எடுக்க முடியும். தனியார் துறையில் பணிபுரியும் அனைத்து ஊழியர்களுக்கும் இது பொருந்தும்.

பிஎஃப் பணத்தை எடுப்பதற்கு, வாங்கவிருக்கும் வீட்டின் விலை அல்லது பிஎஃப் கணக்குதாரரின் கடைசி 24 மாத சம்பளம் மற்றும் அகவிலைப்படி இவற்றின் கூட்டுத்தொகை ஆகிய இரண்டில் எது குறைவாகவோ உள்ளதோ அதை எடுக்கலாம். எப்படி இருந்தாலும், பிஎஃப் பேலன்ஸ் தொகையில் 90 சதவீதத்துக்கு மேல் எடுக்க முடியாது. பிஎஃப் பணத்தை வைத்து வாங்கு வீடு அல்லது சொத்து சம்பந்தப்பட்ட பிஎஃப் கணக்குதாரரின் பெயரிலோ அல்லது அவரது துணைவியுடன் கூட்டாகவோ வாங்க வேண்டும்.

Leave a Comment

Your email address will not be published. Required fields are marked *