தமிழகத்தில் அதிகரித்து வரும் கொரோனா தொற்று – ஒரே நாளில் 94 இறப்புகள்

மொத்தம் 1,07,145 பேர் கொரோனா தொற்று நோயால் பாதிக்கப்பட்டு சிகிச்சை பெற்று வருகின்றனர்.

தமிழ்நாட்டில் கொரோனா பாதிப்பு படிப்படியாக அதிகரித்து வருவதால், ஒரே நாளில் 15,684 பேருக்கு கொரோனா தொற்று இருப்பது கண்டறியப்பட்டுள்ளதாக தமிழக சுகாதாரத் துறை தெரிவித்துள்ளது.

சுகாதாரத் துறை வெளியிட்டுள்ள செய்திக்குறிப்பில், தமிழகத்தில் 15,684 புதிய கொரோனா வழக்குகள் பதிவாகியுள்ளன. சென்னையில் அதிகபட்சம் 4,250 பேர், செங்கல்பட்டுவில் 1,142 பேர், கோயம்புத்தூரில் 1,056 பேர் பாதிக்கப்பட்டுள்ளனர். இதைத் தொடர்ந்து, தமிழகத்தில் கொரோனாவால் பாதிக்கப்பட்டவர்களின் எண்ணிக்கை 10,97,672 ஆக உயர்ந்துள்ளது. தமிழகத்தில் மொத்தம் 1,07,145 பேர் சிகிச்சை பெற்று வருகின்றனர். சென்னையில் 31,142 பேர் சிகிச்சை பெற்று வருகின்றனர்.

தமிழகத்தில் கொரோனாவிலிருந்து 13,625 பேர் குணமடைந்துள்ள நிலையில் மொத்தமாக 9,76,876 பேர் கொரோனாவிலிருந்து விடுப்பட்டுள்ளனர். மேலும் கொரோனா சிகிச்சை பலனின்றி 94 பேர் உயிரிழந்துள்ள நிலையில் மொத்த கொரோனா உயிரிழப்பு 13,651ஆக அதிகரித்துள்ளது. தமிழகத்தில் கொரோனா பரவலைத் தடுப்பதற்காக மாநிலத்தில் இரவு நேர ஊரடங்கு அமலில் உள்ள நிலையில் கொரோனா கட்டுப்பாடுகளை தீவிரப்படுத்துவதாக தமிழக அரசு அறிவித்துள்ளது. மேலும் பல்வேறு கட்டுப்பாடுகளை தமிழக அரசு விதித்துள்ளது.

Leave a Comment

Your email address will not be published. Required fields are marked *